យោងតាម​ព័ត៌មាន​ដែល​បាន​ចុះផ្សាយ​ថ្មីៗ​នេះ​បានអោយដឹងថា ពិធីមង្គលការ​របស់​អតីត​អ្នកសិល្បៈ​ជំទាវ ស្រី​តូច ចំណាន ជាមួយនិង​លោក ឧកញ៉ា គិត ម៉េង ដ៏​អឹកធឹក​នាពេល​កន្លងមកនេះ គឺ​ទទួលបាន​ប្រាក់​ចំណងដៃ​រហូតដល់​ទៅ​ជាង ១ លាន​ដុល្លារ​។​
 

​ព័ត៌មាន​ដដែល​បាន​អះអាង​អំពី​ប្រភព​ដែល​បាន​ផ្តល់អោយ​ថា ការរៀបចំ​ពិធីមង្គលការ​ដែល​បាន​អញ្ជើញ​ភ្ញៀវ​អោយចូល​រួម​ពិសា​អាហារ​ចំនួន ៦ អាគារ​នៅ​មជ្ឈមណ្ឌល​កោះ​ពេជ្រ​បាន​ចំណាយ​អស់ប្រាក់​សរុប​អស់​ប្រមាណ​ជា ៣០ ម៉ឺន​ដុល្លារ ដោយ​ក្នុងនោះ​រួមមាន ២០ ម៉ឺន​ដុល្លារ​ចាយ​លើ​ម្ហូបអាហារ áž“áž·áž„ ភេសជ្ជៈ  រីឯ​ចំណាយ ១០ ម៉ឺន​ដុល្លារ​ទៀត ចាយ​លើ​សម្អាងការ កាត់​សម្លៀកបំពាក់​ថ្មីៗ áž“áž·áž„ តែង​លម្អ​ជាមួយ​ផ្កា​ភ្ញី​។ ហើយ​ក្រោយពី​ទូទាត់​រួចរាល់​ហើយ​គឺ​ចំណេញ​ដល់​ទៅ ១ លាន​ដុល្លារ​ឯណោះ​។​
 

​សម្រាប់​ជំទាវ ស្រី​តូច ចំណាន ក៏បាន​ទទួល​កាដូ​ពិសេស​មុន​ថ្ងៃ​រៀប​អាពាហ៍ពិពាហ៍​ផង ដោយ​នាង​ទទួលបាន​កម្មសិទ្ធិ​ផ្តាច់មុខ​នូវផ្ទះ​វិឡា​ស្ថិតនៅ​ក្បែរ​រង្វង់​ មូល​ផ្សារ​ដើមថ្កូវ​។ ភូមិគ្រឹះ​ដ៏​ប្រណីត​នេះ ត្រូវគេ​ប៉ាន់ស្មាន​តម្លៃ​ប្រមាណ​ជា​មិនតិចជាង ២ លាន ដុល្លារ នោះទេ​។ ដូចនេះ​បើ​សរុបទៅ​ជំទាវ ស្រី​តូច ចំណាន បាន​ចំណេញ ៣ លាន ដុល្លារ (​បណ្ណាការ​គឺ​វិឡា​តម្លៃ ២ លាន ដុល្លារ និង ចំណងដៃ ១ លាន ដុល្លារ​)​។​
 

​សូមបញ្ជាក់​ផងដែរ​ថា ពិធីមង្គលការ​ដែលមាន​ភ្ញៀវ​ចូលរួម​យ៉ាងច្រើន​បែបនេះ​បាន​ប្រព្រឹត្តទៅ​កាលពី​ថ្ងៃទី​២០ ខែមីនា ឆ្នាំ​២០១៥ ដោយមាន​ការរៀបចំ​យ៉ាង​សម្រិត​សម្រាំង​បំផុត​ពីព្រោះ​មាន​មន្ត្រីជាន់ខ្ពស់​ជាច្រើនរូប​ចូលរួម​៕