សិស្ស​វិទ្យាល័យ​ជប៉ុន​មួយ​ក្រុម​មក​ពី​ខេត្ត Chiba បាន​​ពិសោធ​​ភ្ញាស់​ចិញ្ចឹម​​កូន​មាន់​​​ពី​ស៊ុត​​ដោយ​​​គ្មាន​សំបក​ កំពុង​ធ្វើ​ឲ្យ​មនុស្ស​ជា​ច្រើន​ភ្ញាក់​ផ្អើល​ខ្លាំង​។

បច្ចេកទេស​​​​​​​​​ដែល​​​មាន​​ការ​​ជួយ​​ណែ​នាំ​​បង្ហាត់​បង្ហាញ​ពី​​​​​ ​សាស្ត្រាចារ្យ​​ជប៉ុន​​ បាន​ប្រើ​​​កំប៉ុង​​ថង់​ប្លាស្ទិក​​ដើម្បី​រក្សា​​ទុក​ស៊ុត​រាវ​ រួច​យក​ទៅ​ដាក់​​ភ្ញាស់​ក្នុង​ម៉ាស៊ីន។ រយៈ​ពេល​មួយ​សប្ដាហ៍​អំប្រ៊ីយ៉ុង​ស៊ុត​មាន់​បាន​លូត​លាស់​ជា​ធម្មតា​រហូត​ ដល់​រយៈ​ពេល​២១​ថ្ងៃ បាន​​ធំ​ធាត់​ក្លាយ​ជា​កូន​មាន់​​កើត​ដោយ​គ្មាន​សំបក​។

សកម្មភាព​ពិសោធន៍​ខាង​លើ​​ត្រូវ​បាន​បង្ហោះ​លើ​បណ្ដាញ​អ៊ីនធឺណិត បាន​ធ្វើ​ឲ្យ​មនុស្ស​ជា​ច្រើន​សឹង​តែ​មិន​ជឿ​នឹង​ភ្នែក៕